Om stillinga
Vi har eit ledig vikariat som ergoterapeut i Helse, meistring og rehabilitering. Vikariatet varer i 6 månader, med mogleg forlenging.
**Om Avdelinga**
Helse, meistring og rehabilitering er ergo- fysioterapitenesta, friskliv og meistring, hjelpemiddellager og terapibasseng. Her arbeider omtrent 45 personar med ulik fagbakgrunn, dei fleste er ergoterapeutar eller fysioterapeutar. Alle tilsette jobbar tett med andre faggrupper og avdelingar i kommunen.
Tenesta arbeider med barn, vaksne og eldre med sjukdom og/eller funksjonsnedsetjing, blant anna i heim, barnehage, skule, sjukeheim og i tenesta sine eigne lokal. Tenesta er ofte ein del av eit samansett tenestetilbod, men kan også utøvast som enkelttiltak individuelt eller i gruppe
På grunn av fråvær har vi behov for engasjert ergoterapeut som har interesse for å arbeide med personar med funksjonsnedsettingar i heile livsløpet.
Kontorplassering er på Straume terapisenter og på kommunedelsenteret på Rong.
**Arbeidsoppgåver**
Denne stillinga jobbar hovudsakleg med vaksne/eldre personar i eigen heim. Det vert også noko oppfølging på institusjon og oppfølging med barn og unge.
Arbeidsoppgåvene er vurdering, tilrettelegging, og anna oppfølging/trening med aktuelle personar i eigen heim og på ulike institusjonar.
- Kartlegging og vurdering av funksjonsnivå og omgjevnader
- Tilrettelegging av omgjevnader
- Trening på ADL-funksjon og handfunksjon
- Hjelpemiddelformidling og bustadtilrettelegging
- Tverrfagleg samarbeid
**Kvalifikasjonar**
**Må ha:**
- Bachelor i ergoterapi
- Gode norskkunnskapar munnleg og skriftleg
**Ønskjeleg Med**
- Erfaring med hjelpemiddelformidling
- Aktuelle kurs i hjelpemiddelformidling frå nav hjelpemiddelsentral
- Erfaring frå jobb i kommunehelsetenesta
- Gode datakunnskapar
**Eigenskapar**
- Evne til å arbeide sjølvstendig vert særleg vektlagt
- Evne til å omstille seg raskt, vera fleksibel og ha godt humør
- Rask til å setje seg inn i og forstå tenesta sitt arbeid
- Arbeider effektivt, strukturert og er løysingsorientert
- Personleg eigna
**Anna**
Ein må ha førarkort og kunna nytta eigen bil. Ein får bil- og køyregodtgjersle.
Dei formelle krava til utdanning og erfaring må dokumenterast med vitnemål og attestar. Dokumentasjonen skal lastast opp i søkjarportalen innan søknadsfrist.
**Vi Tilbyr**
- Gode pensjons- og forsikringsordningar
- Ein spennande arbeidsplass med godt arbeidsmiljø
- Motiverte og kunnskapsrike kollegaer
- Interessante utfordringar
- Høve til fagleg og personleg utvikling
- Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån
**Kontakt**
**Einingsleiar: Liv Møen 55 09 68 55/ 975 40 530**
**liv.moen@oygarden.kommune.no**
**Avdelingsleiar: Silje Merkesvik 915 50 025**
**Silje.merkesvik@oygarden.kommune.no**
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
