Stillingsbeskrivelse
**Lege i spesialisering i psykiatri (LIS3), Voss DPS NKS Bjørkeli, 100% fast stilling**
**Vil du utvikle deg som lege i eit miljø med erfarne og dyktige kolleger som del av eit sterkt fellesskap?**
Ved Voss DPS NKS Bjørkeli har vi no ei ledig LIS3-stilling i vaksenpsykiatri, og vi ser etter deg som ønskjer ei utdanningstid med kvalitet, støtte – og eit arbeidsmiljø der folk trivst så godt at dei vert verande.
**Kvifor velje oss?**
Eit utdanningsløp med tid, tillit og kvalitet
Hjå oss får du god tid til pasientarbeid, tett rettleiing og eit strukturert utdanningsløp i tråd med spesialistreglane i psykiatri.
Hjå Bjørkeli kan du gjennomføre fire år lokalt, og gjennom samarbeid med Sandviken sjukehus har du moglegheit for eitt års akutt-teneste – slik at du kan oppnå alle kompetansemåla hjå oss.
Arbeidstida er 08.00–15.30, og du inngår i ei heimevaktordning som for tida er sju-delt.
**Eit fagmiljø som faktisk fungerer**
Du blir del av eit tverrfagleg team med høg kompetanse, korte avstandar og opne dører.
Vi har:
- faste teammøte med rom for gode drøftingar
- tid til fagleg fordjuping
- faste internundervisningar
Den siste HMS-undersøkinga vår viste høg trivsel, engasjement og godt psykososialt arbeidsmiljø – noko vi meiner kjem av ein kombinasjon av godt humør, respekt, fagleg stoltheit og ein legendarisk lunsj laga av eigne kokkar. Når sola kikkar innom, flyttar vi lunsjen ut!
**Velkomen til Voss – midt i alt**
Som tilsett hjå oss blir du kjend med Voss, ein stad der natur, kultur, opplevingar og kvardag heng saumlaust saman.
Her finn du:
- fjell, vatn, ski, ekstremsport og friluftsliv i verdsklasse – rett utanfor døra
- eit rikt kulturmiljø med festivalar, konsertar og arrangement
- enkel og miljøvennleg transport til både Bergen og Oslo med tog
- utruleg gode pensjons- og forsikringsordningar i KLP
**Kven ser vi etter?**
Du er fagleg engasjert, trygg i møte med menneske og trivst i eit sosialt miljø.
For å lykkast hjå oss er det viktig at du:
- har norsk autorisasjon som lege
- har interesse for psykiatri (ALIS, LIS1 og cand.med. som skal inn i LIS1 er også velkomne til å søke)
- kommuniserer godt på norsk, både skriftleg og munnleg
- er strukturert, sjølvstendig og trygg på å stå i krevjande situasjonar
- likar tverrfagleg samarbeid
Personlege eigenskapar blir vektlagt.
**Arbeidsoppgåver**
- Utgreiing, vurdering og behandling av pasientar med eit breitt spekter av psykiske lidingar
- Tverrfagleg samarbeid internt og med fyrstelinja
- Dokumentasjon i tråd med interne retningslinjer
- Bidra til fagutvikling og eit konstruktivt arbeidsmiljø
- Rettleie fyrstelinja
**Me tilbyr**
- 100% fast stilling
- Varierte og utfordrande arbeidsoppgåver
- God rettleiing, kurs og internundervisning
- Lokale rettleiingsgrupper
- Moderne og gode lokale
- Løn etter avtale
- Gode pensjons- og forsikringsordningar i KLP
- Moglegheit for at delar av reisetida inngår i arbeidstida
- Dokumentasjon på valfri målform (nynorsk/bokmål)
- Eit godt og inkluderande arbeidsmiljø – dokumentert
**Kjenner du at dette treffer deg?**
Er du klar for neste steg i karrieren i eit fagmiljø som gir deg både rom og retning? Då vil vi gjerne høyra frå deg. Ta kontakt om du lurer på noko – vi tek gjerne ein prat!
**Søknadsfrist: 19.04.2026**
