Stillingsbeskrivelse
Off. godkjent helsefagarbeidar Teneste for psykisk helse og rus, Ørsta kommune
Søk på stillinga (i ny fane)
Om stillinga
Vil du bli vår nye kollega i Tenesta for psykisk helse? Vi har frå d.d. ledig 60 % fast stilling for off. godkjent helsefagarbeidar. Kan bli moglegheit for auka stilling på sikt.
Vi søkjer deg som vil ha faglege utfordringar. Du må kunne jobbe sjølvstendig i ein hektisk kvardag. Teneste for psykisk helse skal ha fokus på at mennesket i størst mogleg grad skal kunne meistre sitt eige liv og oppleve verdigheit. Tenesta skal bidra til å skape gode livsvilkår for menneske som har behov for psykisk helsehjelp ved å formidle tru på betring, moglegheit til å ta eigne val og påverke eige liv. Du vil få dyktige kollegaer på laget.
Vi søkjer etter ein medarbeidar som har engasjement, godt humør og vil bidra til vårt fellesskap.
Du vil få nødvendig fagleg utvikling og kompetanseheving gjennom fagsystem, e-læring, kurs og fagdagar.
Nøkkelinformasjon
**Søknadsfrist**
06.04.2026
**Arbeidsgivar**
Ørsta kommune
**Stad**
Ørsta
**Stillingstittel**
Helsefagarbeidar - Teneste for psykisk helse
**Stillingar**
1
**Heiltid / Deltid**
Deltid
**Tilsetjingsform**
Fast
**Stillingsprosent**
60
**Webcruiter-ID**
5089890667
**Startdato**
01.04.2026
**Sosial Deling**
Del på X
Del på LinkedIn Del på Facebook Del på e-post
Arbeidsoppgåver
- Fokus på førebygging og støtte opp under brukar sine eigne ressursar
- Utføre oppgåver i tråd med vedtak og gjeldande prosedyre
- Delta i tverrfagleg samarbeid med andre instansar i og utanfor kommunen
- Kartlegge, vurdere, planlegge og legge til rette for å auke livskvalitet med fokus på meistring.
- Oppfølging og implementering av interne rutinar og retningsliner
- Oppfølging i form av støttesamtalar, aktivitetar og arbeid.
- Psykoedukasjon, nettverksarbeid, praktisk hjelp, økonomisk bistand, m.m.
- Legemiddelhandtering
**Justeringar og endringar innan for arbeidsgjevar sin styringsrett kan skje i samsvar med det som er kommunen sine behov til ei kvar tid.**
Kvalifikasjonar
- Off. godkjent helsefagarbeidar.
- Det vil vere ein fordel med erfaring innan psykisk helsearbeid og vidareutdanning innan psykisk helsearbeid. Krav om påbegynt vidareutdanning innan psykisk helsearbeid innan 2 år.
- Du må kunne nytte digitale fagsystem og velferdsteknologiske løysingar.
- Du må ha førarkort klasse B
- God norsk muntleg og skriftleg framstillingsevne. Kommunen nyttar nynorsk i all skriftleg kommunikasjon
- Det vert stilt krav om politiattest ved tilsetjing
Personlege eigenskapar
**Vi Ynskjer At Du**
- er engasjert, løysningsorientert og har godt humør
- er utviklingsorientert og motivert for omstilling
- har gode kommunikasjons- og relasjonskompetanse samt gode samarbeidsevner
- arbeider målretta, strukturert og sjølvstendig
- trivast i eit aktivt og til tider travelt miljø der du må kunne omstille deg raskt
- bidrege aktivt til eit godt arbeidsmiljø
Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju. I enkelte tilfelle vil det bli nytta gruppeintervju.
Vi tilbyr
- Eit godt arbeidsmiljø
- Kompetanseutvikling gjennom e-læringskurs og internundervising
- Utfordrande og varierte arbeidsoppgåver
- Moglegheit for vidareutdanning.
- Gode forsikrings og pensjonsvilkår: Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring på fritida. Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje. Som medlem i KLP får du i tillegg tilgong til ekstra gode vilkår på bank, forsikring og sparing.
Arbeidsvilkår: 60 % dag/kveld inkl. helg
Stillinga er plassert i HTA kap. 4 gr1.2. Fagarbeidarstilling
Stillingskode: 7076 Helsefagarbeidar
Tilsetjing i samsvar med gjeldande lov, forskrift og avtaleverk.
Adresse: Berte Kanutte-Vegen, 6150 Ørsta, Norge
**Opne vegbeskriving (i ny fane)**
Kontaktinformasjon
**Joanne Picton Aarseth**
Avd.leiar Teneste for psykisk helse og rus
Telefon: 99495111
E-post: joanne.aarseth@orsta.kommune.no
**Sigrun Halkjelsvik**
Tenesteleiar Heimetenester
Telefon: 48010415
E-post: sigrun.halkjelsvik@orsta.kommune.no
Om arbeidsgivaren
Ørsta kommune er med om lag 11 000 innbyggjarar ei av dei største kommunane i Møre og Romsdal. Kommunen har ein variert arbeidsmarknad og næringsliv. Den gode geografiske plasseringa vår i lina mellom Eiksundsambandet og Kvivsvegen gjev også kort veg til anna næringsliv i regionen Søre Sunnmøre/Nordfjord, og til utdanningstilbod i Ørsta og Volda. Kommunen har gode kommunikasjonar. Flyplassen har fleire daglege direkteruter til Oslo og Bergen.
**Arbeidet Vårt Byggjer På Kommunen Sine Verdiar**
Tillit - gjennom gjensidig respekt, forståing og likeverd
Energi - gjennom entusiasme, inkludering og humor og glede
Løysingsvilje - gjennom lagånd, tydelege mål og meiningsfylte oppgåver
Utvikling - gjennom medverknad, tilbakemelding og verdsetjing av kunnskap
**Heiltidskultur og inkludering**
Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid.
Ørsta kommune skal i størst mogleg grad avspegle mangfaldet i befolkninga. Vi oppfordrar kvalifiserte kandidatar til å søke uansett alder, kjønn, funksjonsnedsetting, kulturell bakgrunn eller hol i CV `en. Tilsettinga skjer elles på dei vilkår og med dei plikter som følgjer av lov, tariffavtaler og reglement.
