Møre og Romsdal Politidistrikt
Nedre Strandgate 50, 6005 Ålesund
Om jobben
Lagre favoritt
Stillingstittel
Kriminaltekniker
Type ansettelse
Fast, heltid 100%
Antall stillinger
1
Arbeidsspråk
Norsk
Søk senest fredag 12. juni
Om stillinga
Er du nysgjerrig, strukturert og tolmodig? Har du evna til å sjå detaljar og vere fokusert i ulike situasjonar? Kan du setje spor, eller fråvær av spor, i ein samanheng slik at det kan kaste lys over ein hendingsgang?
Vi håpar at du som les dette med engasjement og interesse vil søkje på fast stilling som kriminalteknikar i Møre og Romsdal politidistrikt, stadsplassert i Ålesund. Vi kan love ein givande, utfordrande og spennande arbeidskvardag i eit godt arbeidsmiljø.
Avsnitt for kriminalteknisk etterforsking er plassert ved felles eining for etterretning, førebygging og etterforsking. Avsnittet har ni medarbeidarar på fire lokasjonar i politidistriktet. Vi har brei fagleg bakgrunn og mykje erfaring frå ulike sakstypar. Avsnittet dekkjer 24/7- beredskap med reserveteneste og du må kunne bidra inn i ei slik teneste. I tillegg må du rekne med å bidra i sokkelgruppa til politidistriktet. Du vil få opplæring og kurs som sørgjer for fagleg kompetanse.
Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.
Dette ser vi etter hos ein ny medarbeidar
Vi ser etter ein motivert person som er interessert i å bidra i teknisk etterforsking i distriktet. Vi stiller høge krav til fagleg interesse, motivasjon og arbeidsmoral.
Vidare søkjer vi etter deg som til kvar tid opptrer profesjonelt og fungerer som ein god ambassadør for politiet gjennom handlingane dine i det daglege arbeidet.
Arbeidsoppgåver
gjennomføre kriminaltekniske undersøkingar av åstadar
gjennomføre innleiande laboratorieundersøkingar og vurdere vidare sakkunnige undersøkingar
samle og tolke resultata frå eigne og eksterne sakkunnige undersøkingar, og saman med etterforskingsmiljøa setje desse i samanheng
sporsikring og dokumentasjon ved sakkunnige undersøkingar, eksempelvis likundersøkingar og ved ID-saker
delta i reservetjeneste for kriminalteknisk beredskap
kunne hjelpe ved hendingar på kontinentalsokkelen (sokkelgruppa)
kan påleggast andre arbeidsoppgåver
Kvalifikasjonar
**Dette må du ha for å vere kvalifisert:**
bestått politi(høg)skulen
vidareutdanning i kriminalteknikk 1a
god skriftleg og munnleg framstillingsevne
plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf.politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.
Det er også ønskjeleg med
vidareutdanning i kriminalteknikk 1b og 1c
fleire vidareutdanningar og kurs innan kriminalteknikk
erfaring frå etterforsking og då særleg som kriminalteknikar
anna relevant utdanning eller erfaring
Personlege eigenskapar
interesse og motivasjon for fagfeltet
gode samarbeidsevner
strukturert og nøyaktig
høg arbeidskapasitet og fleksibilitet knytt til oppdrag
evne til å prioritere og er løysingsorientert
Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her.
Dette kan vi tilby om du vel oss
ein utfordrande og spennande arbeidsplass i politiet
fast stilling som politibetjent 3/2/1 (SKO 1461/1459/1457) i Møre og Romsdal politidistrikt, med tilsetting avhengig av
kompetanse, jf. Kompetansekriteriene for politibetjenter
politibetjent 3 - brutto årslønn frå kr. 640 000 til kr. 690 000
politibetjent 2 - brutto årslønn frå kr. 585 000 til kr. 635 000
politibetjent 1 - brutto årslønn frå kr. 560 000 til kr. 610 000
for særskilt kvalifiserte kan høgare lønnsplassering og stillingskode bli vurdert:
politiførstebetjent - stillingskode 0285 - brutto årslønn på kr. 660 000 - 710 000
politioverbetjent - stillingskode 0287 - brutto årslønn på kr. 700 000 til kr. 780 000
godtgjersle etter gjeldande ATB belastande unntak på kr. 44 708 og tillegg for eventuell turnusteneste
medlemskap i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk. Det blir trekt to prosent frå lønna til innskot i Statens pensjonskasse.
fleksibel arbeidstid og mogelegheit for trening i arbeidstida
Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.
Mangfald i politiet
Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.
Les meir om positiv særbehandling når ein søkjer jobb i staten her.
Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.
**Video:** https://www.youtube.com/watch?v=uUTjHmSB\_Wc
Slik søkjer du
Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.
Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.
Kontaktperson for stillingen
Kurt Kim Stige
Avsnittsleder
+4741551658
kurt.stige@politiet.no
Om bedriften
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer med ei befolkning på om lag 272 500 menneske. Trollheimen, Romsdalsfjella, Sunnmørsalpane og Tafjordfjella set naturlege avgrensingar i fylket og politidistriktet. Ein stor del av befolkninga bur langs kysten og på øyar.
Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Politidistriktet har også kontinentalsokkelberedskap frå Stad til Helgeland.
Politidistriktet har om lag 650 tilsette og vert leia av politimeister Elin Anja Drønnen med hovudsete i Ålesund. Vi er organisert i to geografiske driftseiningar med til saman 18 politistasjonar og sommaråpen politistasjon i Geiranger. I tillegg har vi fire funksjonelle driftseiningar: Felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR og HMS.
Sektor
Offentlig
Nettsted
https://www.politiet.no/
Annonsedata
Stillingsnummer
74ebecb4-8a80-46e8-a2ab-893a08545438
Sist endret
29. mai 2026
Hentet fra
jobbnorge
Referanse
10298030
