Årdal kommune Bu og miljøtenesta


Statsråd Evensensveg 4, 6885 Årdalstangen


Om jobben

Lagre favoritt

Type ansettelse

Engasjement, deltid 5%

Antall stillinger

1

Arbeidsspråk

Norsk


Søk senest mandag 31. august


Vil du gjera ein forskjell i kvardagen til eit anna menneske?


Årdal kommune søkjer engasjerte og omsorgsfulle støttekontaktar til Bu- og miljøtenesta. Som støttekontakt får du ei viktig rolle i å bidra til auka livskvalitet, meistring, deltaking og sosialt fellesskap for menneske som av ulike grunnar har behov for litt ekstra støtte i kvardagen.


Dette er ei meiningsfull oppgåve for deg som ynskjer å bruka nokre timar i månaden til å skapa gode opplevingar saman med andre. Du treng ikkje vera ekspert – det viktigaste er at du er ein trygg, positiv og påliteleg person som ynskjer å vera der for andre.


Kva inneber oppdraget?


Som støttekontakt er du ein viktig samtalepartnar og aktivitetspartnar. Oppdraget blir tilpassa den enkelte sitt behov, interesser og ynskje.


Det kan til dømes vera å gå turar, trena saman, delta på kultur- og fritidsaktivitetar, ta ein kaffikopp, besøka arrangement eller berre ha ein hyggeleg prat. Målet er å bidra til sosial deltaking, gode opplevingar og ein meir aktiv og meiningsfull kvardag.


Omfanget av oppdraget varierer, og arbeidstida blir avtalt i samarbeid med brukar og tenesta.


Kven ser me etter?


Me ser etter deg som har gode relasjonsevner og interesse for menneske. Du er trygg, tolmodig og inkluderande, og evnar å møta andre med respekt og openheit.


Det er ingen krav om formell utdanning, men erfaring frå arbeid med menneske eller frivillig engasjement kan vera ein fordel. Personlege eigenskapar vil bli tillagt stor vekt.


For enkelte oppdrag kan det vera ynskjeleg med førarkort og tilgang til eigen bil.


Kvifor bli støttekontakt?


Å vera støttekontakt er ei unik moglegheit til å gjera ein positiv forskjell i livet til eit anna menneske. Samstundes får du verdifulle erfaringar, nye perspektiv og mange gode møte med menneske.


Du får nødvendig rettleiing og oppfølging frå Bu- og miljøtenesta, og oppdraget blir godt tilrettelagt ut frå dine interesser og føresetnader.


Velkomen som søkjar


Har du litt tid til overs og eit ynske om å bidra til at andre får ein rikare og meir sosial kvardag? Då håpar me du tek kontakt med oss.


Me ynskjer søkjarar i alle aldrar og livssituasjonar velkomne. Kanskje er det nettopp du som kan bli den personen som gjer den store forskjellen i kvardagen til nokon andre. Søknaden din vert liggande i vårt arkiv, og om me ikkje har ein god match med ein gong, vil du likevel bli vurdert fortløpande ved behov.


Velkommen som støttekontakt i Årdal kommune!

**Link til søknadsskjema:** Søk her

Kontaktperson for stillingen


Marit Njøs Natvik


+47 47641854


marit.njos.natvik@ardal.kommune.no


Om bedriften

Når du kjem innover langs Sognefjorden og trur du snart ikkje kan koma lengre, der finn du tekonologibygdi Årdal som òg er nasjonalparkkommune. Årdal er vertskap for fleire populære festivalar med besøk av folk frå fjern og nært. Kommunen har aktive grupper innan alt ein kan driva med på fjord og i fjell og er ein kulturell- og idrettsaktiv kommune. I kommunen er det har seks barnehagar, to skular, ein vidaregåande skule. På Skeikampen har me ei koseleg bedriftshytte for tilsette. Me har gode stipendordningar til etter og vidareutdanning. Meir informasjon om kommunen finn du på heimesida vår www.ardal.kommune.no, www.dittardal.no og www.visitardal.no. Sjekk oss gjerne på Facebook og Instagram. Velkomen til oss i Årdal !


Sektor


Offentlig


Annonsedata


Stillingsnummer


0d25affa-02c7-44d8-98a0-07fd715d0e74


Sist endret


3. juli 2026


Hentet fra


visma-easycruit


Referanse


3644173\_229359\_nn