Sirdal kommune Enhet skule


Tonstadveien 28, 4440 Tonstad


Om jobben

Lagre favoritt

Stillingstittel

Lærarstilling ved Tonstad skule

Type ansettelse

Vikariat, heltid 100%

Antall stillinger

1

Arbeidsspråk

Norsk


Søk senest fredag 12. juni


Er du ein lagspelar? Bli med på vårt lag som arbeider med å utvikla elevane, skapa ein god skule som opnar dører mot verda og framtida og bidreg til at elevane skal meistra liva sine. Det vil bli ledig eit 100% vikariat som lærer på Tonstad skule i perioden 01.08.26 – 31.07.27.


Sirdal kommune har to grunnskular, Tonstad skule og Sinnes skule. Tonstad skule har om lag 190 elevar og ligg i kommunesenteret Tonstad, medan Sinnes skule har om lag 50 elevar og ligg på Sinnes i Øvre Sirdal. Begge grunnskulane er kombinerte skular med 1. – 10. trinn og SFO-tilbod. Skulane arbeider aktivt med skuleutvikling i eit profesjonsfellesskap, og er opptekne av læring, inkludering og læringsmiljø. Kommunen satsar på og prioriterer barn og unge, og skulane har god vaksentettleik.


Tonstad skule har flotte og moderne fasilitetar til undervising, både ute og inne, som du kan nytta for å gjera undervisinga di best mogleg. Lærarane har gode arbeidstilhøve, og du får mange gode og engasjerte arbeidskollegaer, og ikkje minst flotte elevar.


Sirdal kommune har gode velferdstilbod til sine tilsette, som mellom anna leilegheit midt i Kristiansand og hytte ved Svennevig, nær sjøen. Det er gode tilbod om barnehage og SFO i heile kommunen.


Kvalifikasjonar


Vi søkjer lærar til grunnskulen som oppfyller krav om tilsetting og undervisingskompetanse i opplæringslov og forskrift. Det er særleg behov for lærar med undervisingskompetanse på ungdomstrinnet. Fleire fag kan vera aktuelle som t.d. engelsk, norsk og naturfag.


Vi treng deg som har erfaring og gode dugleiker som kontaktlærar på ungdomstrinnet.


Skulen ønskjer alle godkjente lærarar som søkjarar, og den som blir tilsett må dekka fagbehovet som skulen har. Opplæringsmålet er nynorsk og søkjarane må meistra norsk, både skriftleg og munnleg.


Personlege eigenskapar


Vi søkjer etter deg som er oppteken av relasjonsbygging, både til elevar, føresette og kollegaer, og som vektlegg å vera ein trygg og tydeleg vaksenperson. Vi treng ein lærar som er ein tydeleg klasseleiar som evner å skapa eit trygt og inkluderande læringsmiljø. Vi søkjer deg som er engasjert, motivert og som viser evne til å tilpassa deg ulike elevar sine behov. Er du ein lærar som tek initiativ, er positiv og utviklingsorientert, er det alltid plass til deg.


Personlege eigenskapar blir lagt vekt på ved tilsetting.


**For stillinga gjeld:**
Løn og tilsetting på kommunale vilkår etter gjeldande lov- og avtaleverk. Sirdal kommune har lokale tillegg på lønsstigen. Tilsetjingsforholdet er med Sirdal kommune.


Vi tek atterhald om intern overføring/rokkering, omorganisering, særrett etter HTA eller ved overtal.


Vi ønskjer at alle nyttar elektronisk søknadsskjema til stillingar i Sirdal kommune.


Aktuelle søkjarar blir kalla inn til intervju. Den som blir tilsett, må levera godkjend politiattest.


**Spørsmål om utlysinga kan rettast til:**
rektor ved Tonstad skule Petter M. Røssland, tlf. 971 62 627,


**Søknadsfrist:** 12. juni 2026

**Link til søknadsskjema:** Søk her

Kontaktperson for stillingen


Petter Røssland


+47 97162627


petter.rossland@sirdal.kommune.no


Om bedriften

Sirdal er ein attraktiv kraft- og reiselivskommune i Agder med kort veg til Rogaland og Stavanger. I Sirdal fin du eit trygt og godt oppvekstmiljø med mange kultur- og fritidstilbod. Spesielt er høvene for friluftsliv unike både sommar og vinter. Kommunen har eit godt utbygd tjenestetilbod på alle områder, med bla. ny skule og full barnehagedekning.


Sektor


Offentlig


Annonsedata


Stillingsnummer


104b67ab-6334-4e7a-a511-3f25d2c88de0


Sist endret


28. mai 2026


Hentet fra


visma-easycruit


Referanse


3630147\_204613\_nn